14 Temmuz 2009
 

GAZELLER -10-

Yârın gerek ki mihr-i ruhu dil-pezîr ola

Tâ hüsn-i hulk içinde cihânda emîr ola

Her kim ki kılmaya nazar ol hüsn-i sûrete

Yoktur basiret onda ger ehl-i basîr ola

Hûblukta çün misâl bulunmaz mu’âyene

Âlemde ol yegâne meger bî-nazîr ola

Bî-çâre aşka neyleye tedbîr ü çâreyi

Mâ’şûka şâh-ı âlem ü âşık fakîr ola

Tevhîd içinde nükte-i esrâr bulmuşum

Sâhib-nazar gerek ki bu hâle habîr ola

Mansûr aşk yolunda Nesîmî vü Fazl-ı Hak

Anun mu’îni âyet-i ni’me’l-basîr ola