19 Ağustos 2009
 

GAZELLER -15-

Aceb la’lin mi şol yâ cân-ı ahbâb
Aceb zülfün mü yâ zencîr-i pür-tâb

Gözümden akan ey dil-ber gamından
Aceb hûn-âbe mi yâ eşk-i unnâb

Aceb yüzün mü şol yâ harman-ı gül
Aceb dişin mi şol yâ lü’lü’-i nâb

Aceb kaddin mi şol yâ serv-i bustân
Aceb haddin mi şol yâ verd-i sîr-âb

Aceb aynın mı şol yâ sihr-i Bâbil
Aceb kaşın mı şol yâ tâk-ı mihrâb

Aceb şol mest-i sevdâyâ Moğol-Çîn
Benim bahtım mıdır yâ çeşm-i pür-hâb

Nesîmînin gözü yârın gamından
Dürün dürci midir yâ bahr-ı sîm-âb