16 Haziran 2009
 

GAZELLER -6-

Ey saçın ve’l-leyli izâ yagşâ yüzündür ve’d-duhâ

Yâ vü sîn şânında münzel hem beyânın tâ ve hâ

Kâbe kavseyn iki kaşın vasfı ev ednâ ile

Hem elem neşrah leke sadrek buyurmuş Hak sana

Fazl-ı Rabbü’l-Âlemînin ber-güzide mazharı

Âlim-i ilm-i ilâhî kaşif-i kul innemâ

Hılkat-ı eflâke sensin vasıta nûr-ı ilâh

Hem senin şânında münzel oldu levlâke lemâ

Sensin el nûru ki Âdem beyne mâ u tîn iken

Ol zamân ebnâ kılardın cümleye sensin binâ

Lâ nebiyye ba’dî buyurdun ya’nî hatm oldu kelâm

Saddak ey seyyid ki sensin hatm-i cümle enbiya

Hem raeytü rabbî dedin leyletü’l-mi’racta

Sensin fî-sûretin ahsen gören vech-i likâ

Sensin ol zât-ı mutahher ey mübârek ma ü tîn

Kul kefâ gelmiş senin vech-i Haktan kul kefâ

İstivâ hattını ettin zâhira n-şakka’l kamer

Çün sana geldi ve e’r-rahman ale’l-arşi’s-tevâ

Rahmeten li’l-âlemin sen seyyid-i kevneyn hem

Şem’-i rûh-sârından oldu kün fekân gark-ı zıyâ

Ey Habîbu’llâh ki ismin yazılıptır arşda

Ahmed ü Mahmûd Ebu’l-Kâsım Muhammed Mustafâ

Ol kim anun hakkında min nûrı vâhid söyledin

Hem anun şânında Haktan nâzil oldu hel etâ

Ol velâyet kânı vü sultân-ı dîn şâh-ı Necef

Tâc-dâr-ı enbiyâ vü ser-firâz-ı evliyâ

Ahmede şol kim dedin ben şehr-i ilmim kapısı

Ol Aliyyü’l-Mürtazâdır ol imâm-ı etkıyâ

Fâtıma nakdin senin oldu Hadîce mahremin

Bu biri hayru’n-nisâdır bu biri fahru’n-nisâ

Şebr ü Şebbîri ki ya’nî şâh Hasanla şâh Hüseyn

Ol iki dürreyn-i bahr-ı zât-ı hem-tâ-yı Hudâ

Ol vücûdeyn-i mutahher mazhareyn-i hüsn ü lutf

Serverân-ı în serâ vü ser-firâz-ı ân serâ

Ol sâ’ideyn-i şehîdeyn ol iki şeh-zâdeler

İhtiyâr-ı âlemeyn ü makbuleyn-i kibriyâ

Ol şeh-i ahsen Hasandır bu şeh-i hulk-ı Hüseyn

Ol şehîd-i zehr-i aşk u bu şehîd-i Kerbelâ

Mefhar-ı âlem vü âdem şems-i Zeyne’l-Âbidîn

Hem Muhammed Bâkır ol sultân-ı dîn bedr ü dücâ

Ca’fer-i Sâdık kim oldur pişvâ-yı ehl-i dîn

Ol emîn-i sırr-ı esmâ dürr-i deryâ-yı âtâ

Kâzım ol ilm-i ilâhînin mekân u ma’deni

Hem imâm-ı heştümîndir şâh Alî Mûsâ Rızâ

Ol Takî vü bâ-Nakî kim Mustafânın âlidir

Mazhar-ı eltâf-ı rahmet ma’den-i cud ü sehâ

Şâh Nakî kim nûr-ı çeşm-i müttekîlerdir yakîn

Ol imâm-ı ârifîndir şâh-ı sultân-ı tükâ

Şâh-salar-ı cihândır Askerî hem cümleye

İbn-i Hâdî pîşvâmız pîşvâdır pîşvâ

Mehdî-i sâhib-zamândır kâdî-i ins ü melek

Kâtil-i küffâr oldu sâhib-i sancak livâ

Cân u dilden Mustafâ vü Murtazâ meddahıyım

Hem bu oniki imâma söylerim medh u senâ

Gori-i şümr ü Yezîd ü gori-i Mervan-ı har

Mustafânın hazretine kılmışım ben ilticâ

Hânedân-ı Mustafâ-yı sevmeyen mel ûnlara

Okurum bî-hadd ü gâye ana la’net dâ’imâ

Yâ ilâhâ Murtazânın Mustafânın hakkı’çin

Ve muradım kâma irgür hacetim kılgıl revâ

Ey Nesîmî haşr ü neşrin cami isen cami’i

Enbiyânın sırrı sensin z’evliyâ vü enbiyâ

Kim ki işitti bu oniki imâmın vasfını

Rahmet ana kim kıla rûh-ı Nesîmîye du’â